ఐ ఎన్ బి టైమ్స్ విజయవాడ మార్చి 22:ప్రస్తుతం ఎల్‌పీజీ వంట గ్యాస్ సరఫరాకు ఎలాంటి ఇబ్బందులు లేవని, అయితే భవిష్యత్ అవసరాలను దృష్టిలో ఉంచుకుని ముందుజాగ్ర‌త్త‌గా  ప్రజలు పైప్డ్ నేచురల్ గ్యాస్ (పీఎన్‌జీ) వినియోగం వైపు మళ్లాలని జిల్లా కలెక్టర్ డా. జి.లక్ష్మీశ కోరారు.క‌లెక్ట‌ర్ ల‌క్ష్మీశ‌.. ఆదివారం క్యాంపు కార్యాల‌యంలో భాగ్య‌న‌గ‌ర్ గ్యాస్‌, మేఘా గ్యాస్ ప్ర‌తినిధుల‌తో స‌మావేశం అనంత‌రం సిద్ధార్థ న‌గ‌ర్ ఎస్‌బీఐ కాల‌నీలోని భాగ్య‌న‌గ‌ర్ గ్యాస్ లిమిటెడ్ రెగ్యులేటింగ్ స్టేష‌న్ ను సంద‌ర్శించారు. కుళాయి నీటి త‌ర‌హాలో పైపుల ద్వారా ఇంటింటికీ నేచుర‌ల్ గ్యాస్ స‌ర‌ఫ‌రా విధానాన్ని ప‌రిశీలించారు. ఈ సంద‌ర్భంగా క‌లెక్ట‌ర్ ల‌క్ష్మీశ మాట్లాడుతూ ప్ర‌స్తుతం జిల్లాలో 9 వేలు మాత్ర‌మే పీఎన్‌జీ క‌నెక్షన్లు ఉన్నాయ‌ని.. ల‌క్ష వ‌ర‌కు క‌నెక్ష‌న్లు ఇవ్వ‌గ‌ల సామ‌ర్థ్యం ఇప్పుడు ఉంద‌న్నారు. త‌క్కువ ఖ‌ర్చుతో అధిక భ‌ద్ర‌త‌తో నిరంత‌ర గ్యాస్ స‌ర‌ఫ‌రాకు ఈ క‌నెక్ష‌న్లు వీలుక‌ల్పిస్తాయ‌న్నారు. ఏదైనా అత్యవసర పరిస్థితులు లేదా సంక్షోభ పరిస్థితులు ఎదురైనా గ్యాస్ సరఫరాలో అంతరాయం లేకుండా ఉండేందుకు పీఎన్‌జీ ఉత్తమ ప్రత్యామ్నాయమని తెలిపారు. గృహాలకు నేరుగా పైప్‌లైన్ ద్వారా గ్యాస్ అందుబాటులో ఉండటం వల్ల సురక్షితంగా, సౌకర్యవంతంగా ఉపయోగించుకోవచ్చని చెప్పారు. 21 మిల్లీబార్ పీడ‌నంతో స‌ర‌ఫ‌రా అనేది సుర‌క్షిత‌మైనదని.. అందువ‌ల్ల ఇలాంటి సురక్షితమైన వంట గ్యాస్ వ్యవస్థను ఏర్పాటు చేసుకోవాలని పిలుపునిచ్చారు. ఇప్ప‌టికే చాలా హోట‌ళ్లు పీఎన్‌జీ ఉప‌యోగిస్తున్నాయ‌ని.. మిగిలినవి కూడా పీఎన్‌జీ దిశ‌గా ఆలోచించాల‌ని కోరారు. జిల్లాలో ఎవ‌రికైనా పైప్డ్ నేచుర‌ల్ గ్యాస్ (పీఎన్‌జీ) క‌నెక్ష‌న్ కావాల‌నుకుంటే క‌లెక్ట‌ర్ కార్యాల‌యంలోని క‌మాండ్ కంట్రోల్ కేంద్రం (91549 70454) నంబ‌రుకు కాల్ చేయొచ్చ‌ని క‌లెక్ట‌ర్ డా. జి.ల‌క్ష్మీశ తెలిపారు. గృహాలు, హోట‌ళ్లు, పారిశ్రామిక యూనిట్లు త‌దిత‌రాల‌కు సుర‌క్షిత‌మైన, నిరంత‌ర గ్యాస్ స‌ర‌ఫ‌రా అందించేలా పీఎన్‌జీ క‌నెక్ష‌న్ల‌కు సంబంధించిన పూర్తి స‌మాచారం తెలుసుకోవ‌చ్చ‌న్నారు. పీఎన్‌జీ ప్ర‌యోజ‌నాల‌తో పాటు పూర్తి వివరాల‌ను ప్ర‌త్యేకంగా అందుబాటులో ఉన్న సిబ్బంది వివ‌రిస్తార‌ని క‌లెక్ట‌ర్ పేర్కొన్నారు.

 రాజానగరం నియోజవర్గ ఎమ్మెల్యే బత్తుల బలరామకృష్ణ జన్మదిన వేడుకను కోరుకొండ గ్రామంలోఘనంగా నిర్వహించారు ఈ కార్యక్రమంలో జనసేన నాయకులు జనసేన అభిమానులు కూటమి నాయకులు భారీ ఎత్తున పాల్గొని పుట్టినరోజు వేడుకను ఘనంగా జరుగుటలో సహకరించినారు. ముందుగా దాదాపు రెండు  సంవత్సరాలుగా ప్రజా సేవలో నియోజకవర్గ అభివృద్ధిలో ఎనలేని సేవలు అందిస్తు ప్రజలమన్నాలను పొందుతున్న బలరామకృష్ణకు పాలాభిషేకం చేసి ప్రజలందరూ కృతజ్ఞతలు తెలియజేశారు అనంతరం కేక్ కట్ చేసి ప్రజలకు అందించడం జరిగింది ఇంత ఘనంగా పుట్టినరోజు వేడుకను జరుపుటలో తాటికొండ బుజ్జి తనదైన శైలిలో కృషి చేశారు ఎమ్మెల్యే అనుచరునిగా ప్రజల పక్షాన,ప్రజాసేవలో గ్రామ ప్రజల ఆశీస్సులతో ఎమ్మెల్యే ఆదేశాల మేరకు గ్రామ అభివృద్ధి కార్యక్రమాల్లో నిరంతరం కృషి చేస్తున్నారు.

ఐ ఎన్ బి టైమ్స్ కూకట్పల్లి ప్రతినిధి, ఫిబ్రవరి 8:మిస్ గ్రాండ్ తెలంగాణ 2026 అండర్ 19 పోటీలో గెలుపొందిన యశస్విని ఘనంగా సన్మానించిన కూకట్పల్లి ఉమ్మడి ప్రెస్ క్లబ్ అధ్యక్షులు ఎర్ర యాకన్న, ఇష్టకామేశ్వరి కోలాటం టీం. మూసాపేట, భరత్ నగర్ కాలనీలోని సీనియర్ సిటిజన్ భవనంలో కోలాటం టీం ఆధ్వర్యంలో ఏర్పాటుచేసిన సన్మాన కార్యక్రమానికి కూకట్పల్లి ఉమ్మడి ప్రెస్ క్లబ్ అధ్యక్షులు ఎర్ర యాకన్న ముఖ్యఅతిథిగా హాజరై మిస్ గ్రాండ్ తెలంగాణ 2026 అండర్ 19 పోటీలలో రెండవ రన్నర్పుగా నిలిచిన యశస్విని నీ ఘనంగా శాలువాతో సన్మానించారు. ఈ సందర్భంగా ఆయన మాట్లాడుతూ తెలంగాణ రాష్ట్రం తరఫున రాబోయే రోజులలో మిస్ ఇండియా పోటీలలో పాల్గొని తెలంగాణ ఖ్యాతి పెంపొందించాలని అన్నారు. ఈ కార్యక్రమంలో శివలక్ష్మి, మీనా కుమారి, శ్రీదేవి, జయలక్ష్మి, సుజాత వరుడు, శైలజ, నిర్మల,తదితరులు పాల్గొన్నారు.

ఐ ఎన్ బి టైమ్స్ కూకట్పల్లి ప్రతినిధి, ఫిబ్రవరి 8
 జవహర్‌లాల్ నెహ్రూ టెక్నాలజికల్ యూనివర్సిటీ హైదరాబాద్ (జేఎన్‌టీయూహెచ్) బయోటెక్నాలజీ విభాగానికి చెందిన కోనా వెంకట శ్రీ కృష్ణ ఇటీవల తన పీహెచ్‌డీ పరిశోధనను విజయవంతంగా పూర్తి చేసి శాస్త్రీయ వర్గాల్లో ప్రశంసలు అందుకున్నారు. జేఎన్‌టీయూహెచ్‌లో నిర్వహించిన 14వ స్నాతకోత్సవం కార్యక్రమంలో V.C ప్రొఫెసర్ కిషన్ కుమార్ రెడ్డి గారి హస్తాల మీదుగా ఆయనకు డాక్టరేట్ ప్రదానం చేయబడింది. డాక్టర్ సైదా నాయక్ మార్గదర్శకత్వంలో నిర్వహించిన ఈ పరిశోధన మధుమేహం స్థూలకాయం వంటి జీవనశైలి వ్యాధుల చికిత్సలో ఉపయోగించే గ్లూకాగాన్–లైక్ పిప్టైడ్-1 (GLP-1) కోసం పరిశ్రమ ఎదుర్కొంటున్న తక్కువ ఉత్పత్తి సామర్థ్యం, స్థిరత్వ లోపం వంటి ప్రధాన సమస్యలకు పరిష్కార మార్గాలను అధ్యయనం చేసింది. GLP-1 ఆధారిత చికిత్సలు రక్తంలో చక్కెర స్థాయిని సహజంగా నియంత్రించడంతో పాటు ఆకలిని తగ్గించి బరువు నియంత్రణకు సహకరిస్తాయి; ఇవి మెట్ఫార్మిన్‌లా కేవలం గ్లూకోజ్ ఉత్పత్తిని తగ్గించడమే కాకుండా, ఇన్సులిన్‌లా బాహ్యంగా హార్మోన్ అందించకుండా శరీరంలోనే ఇన్సులిన్ స్రావాన్ని ఉత్తేజితం చేయడం ద్వారా భిన్నంగా పనిచేస్తాయి. ఈ పరిశ్రమాత్మక సవాళ్లను అధిగమించేందుకు కంప్యూటేషనల్  ప్రయోగాత్మక విధానాలను సమన్వయం చేస్తూ ఒక సమగ్ర, పరిశ్రమకు అనుకూలమైన ఉత్పత్తి వ్యూహాన్ని ఈ పరిశోధన ప్రతిపాదించింది. మీడియా ఆప్టిమైజేషన్ ఉత్పత్తి స్థిరత్వాన్ని పెంచే విధానాల ద్వారా పునరావృతయోగ్యమైన మార్గాన్ని సూచించడం ఈ అధ్యయనం ప్రత్యేకత. భారతదేశంలో ఉన్నత స్థాయి బయోటెక్నాలజీ పరిశోధన సామర్థ్యాన్ని ప్రతిబింబించే ఈ కృషి భవిష్యత్తు ఔషధ పరిశోధనలకు దిశానిర్దేశం చేస్తుందని నిపుణులు అభిప్రాయపడుతున్నారు.

ఐ ఎన్ బి టైమ్స్ కూకట్పల్లి ప్రతినిధి, ఫిబ్రవరి 8

కూకట్పల్లి–మూసాపేట పరిధిలోని భరత్ నగర్ కాలనీ ప్రజలు తమ మౌలిక హక్కైన రాకపోకల మార్గం కోసం మరోసారి రోడ్డెక్కారు. ప్రధాన రహదారికి వెళ్లే కాలనీ మార్గాన్ని పునరుద్ధరించాలనే డిమాండ్‌తో ‘మా దారి – మా హక్కు’ నినాదంతో ఈరోజు రెండోసారి నిరసన కార్యక్రమం నిర్వహించారు.
2017 సంవత్సరంలో ఒకప్పుడు సజావుగా ఉన్న రాకపోకల మార్గాన్ని పరిమితం చేసినప్పటి నుంచి కాలనీవాసులు తీవ్ర ఇబ్బందులు ఎదుర్కొంటున్నారు. స్కూల్ పిల్లలు, ఉద్యోగులు, వృద్ధులు, అత్యవసర పరిస్థితుల్లో ఉన్న రోగులు — అందరికీ ఈ మూసివేత శాపంగా మారింది. పలుమార్లు అధికారులకు వినతిపత్రాలు ఇచ్చినా ఇప్పటివరకు ఎలాంటి చర్యలు తీసుకోకపోవడం పాలనా నిర్లక్ష్యానికి నిదర్శనంగా ప్రజలు విమర్శిస్తున్నారు.ఒక కాలనీకి ప్రధాన రహదారికి వెళ్లే మార్గం కల్పించలేని పరిస్థితి ప్రజాస్వామ్యంలో తీవ్రమైన వైఫల్యమని నిరసనకారులు ఆగ్రహం వ్యక్తం చేశారు. ఇది రాజకీయ డిమాండ్ కాదని, జీవనానికి సంబంధించిన మౌలిక సమస్య అని వారు స్పష్టం చేస్తున్నారు.

ఐ ఎన్ బి టైమ్స్ పల్నాడు జిల్లా ప్రతినిధి ఫిబ్రవరి 8: తప్పిపోయిన చిన్నారిని తల్లి చెంతకు చేర్చిన మాచర్ల పట్టణ సీఐ తురక వెంకటరమణ. మానవత్వానికి మరోసారి అర్థం చెప్పారు. బాధ్యతాయుతమైన విధి నిర్వహణతో పాటు, దయా గుణంతో వ్యవహరించి దారి తప్పిన ఏడేళ్ల చిన్నారిని క్షేమంగా ఆమె తల్లిదండ్రులచెంతకుచేర్చిఅందరిప్రశంసలుఅందుకున్నారు.వివరాల్లోకి వెళ్తే…గురజాల గ్రామానికి చెందిన పరస ప్రకాష్ కుమార్తె కావ్య (7) అనుకోకుండా దారి తప్పి తీవ్ర ఆందోళనకు గురైంది.చిన్నారి ఆచూకీ తెలియక తల్లిదండ్రులు తీవ్ర ఆవేదనకు లోనవుతున్న సమయంలో ఈ విషయం మాచర్ల పట్టణ పోలీసుల దృష్టికి వచ్చింది.సమాచారం అందుకున్న వెంటనే సీఐ తురక వెంకటరమణ తక్షణమే స్పందించి,పోలీసు సిబ్బందిని అప్రమత్తం చేశారు.చిన్నారి భద్రతకు ప్రత్యేక చర్యలు తీసుకొని,ఆచూకీ ఆధారంగా తల్లి పరస అన్నమ్మను పోలీస్ స్టేషన్‌కు పిలిపించారు.అనంతరం చిన్నారిని ఆమె తల్లి చెంతకు సురక్షితంగా అప్పగించారు.తమ బిడ్డను కళ్లెదుట చూసిన తల్లిదండ్రులు ఆనంద బాష్పాలతో సీఐ వెంకటరమణకు హృదయపూర్వక కృతజ్ఞతలు తెలిపారు.ఈ సందర్భంగా సీఐ మాట్లాడుతూ...“రద్దీ ప్రదేశాల్లో,ప్రయాణాల్లో చిన్న పిల్లల విషయంలో తల్లిదండ్రులు మరింత అప్రమత్తంగా ఉండాలి.పిల్లల భద్రతే ప్రథమ ప్రాధాన్యం”అని సూచించారు.ఈ ఘటన ద్వారా మాచర్ల పట్టణ పోలీసుల మానవత్వం,సేవాభావం మరోసారి ప్రజల హృదయాలను తాకింది.

ఐ ఎన్ బి టైమ్స్ పల్నాడు జిల్లా ప్రతినిధి ఫిబ్రవరి 8:

మాచర్ల పట్టణ పరిధిలో చోటు చేసుకున్న ద్విచక్ర వాహనాల దొంగతనాల కేసులో మాచర్ల టౌన్ పోలీస్ స్టేషన్ పోలీసులు కీలక పురోగతి సాధించారు.ఈ ఘటనకు సంబంధించిన నిందితుడిని అరెస్ట్ చేసి,మొత్తం 9 ద్విచక్ర వాహనాలను స్వాధీనం చేసుకున్నారు.పోలీసుల వివరాల ప్రకారం,నెహ్రూనగర్ 2వ లైన్, 2వ వార్డు, మాచర్లకు చెందిన పఠాన్ రంజాన్ (33) ఫిర్యాదు మేరకు కేసు నమోదు చేశారు. 2025 జనవరి 1 రాత్రి 10 గంటల నుంచి జనవరి 2 తెల్లవారుజామున 4 గంటల మధ్యలో ఫిర్యాదుదారుడి ఇంటి ముందు పార్క్ చేసి ఉన్న హోండా యూనికోర్న్ ద్విచక్ర వాహనం చోరీకి గురైంది.ఈ ఘటనపై దర్యాప్తు చేపట్టిన పోలీసులు,నెహ్రూనగర్‌కు చెందిన ఓర్సు దుర్గా రావు అలియాస్ బుగ్గలోడు (20) అనే యువకుడిని నిందితుడిగా గుర్తించారు.ఫిబ్రవరి 7న సాయంత్రం 7 గంటల సమయంలో నెహ్రూనగర్ ప్రాంతంలో అతడిని అరెస్ట్ చేశారు.నిందితుడి వద్ద నుంచి మొత్తం 9 ద్విచక్ర వాహనాలను స్వాధీనం చేసుకున్నట్లు పట్టణ సీఐ టి.వెంకటరమణ తెలియజేశారు.

ఐ ఎన్ బి టైమ్స్ పల్నాడు జిల్లా ప్రతినిధి ఫిబ్రవరి 8:పాడి పశువులు మన సాంప్రదాయంలో భాగమని మాచర్ల శాసన సభ్యులు జూలకంటి బ్రహ్మానంద రెడ్డి తెలిపారు. ఆదివారం దుర్గి మండల కేంద్రంలో శ్రీ మద్విరాట్ పోతులూరి వీరబ్రహ్మేంద్రస్వామి వారి 72వ వార్షిక తిరునాళ్ల సందర్భంగా ఏర్పాటు చేసిన ఒంగోలు జాతి ఎడ్ల పందేల‌ ప్రారంభోత్సవంలో ఆయన ముఖ్యఅతిథిగా పాల్గొన్నారు.పోటీలో పాల్గొన్న ఎడ్ల యజమానులను పరిచయం చేసుకుని అభినందించారు.  ప్రత్యేక పూజలు నిర్వహించి పోటీలను ప్రారంభించారు.అనంతరం కార్యక్రమాన్ని ఉద్దేశించాడు మాట్లాడుతూ...పశు సంపద వృద్ధి చెందినప్పుడే పంటలు బాగుంటాయని అభిప్రాయపడ్డారు. తిరుణాల మహోత్సవాన్ని పురస్కరించుకుని ప్రతి ఏట ఎడ్ల పందేలను పెద్ద ఎత్తున ఏర్పాటు చేయటం పట్ల కమిటీ సభ్యులను    అభినందించారు.ఆహ్లాదకరమైన వాతావరణంలో ఉత్సవాలు నిర్వహించుకుంటేనే భావితరాలు బాగుంటాయని ఈ సందర్భంగా ఆయన చెప్పారు.ఈ కార్యక్రమంలో కూటమి పార్టీల నాయకులు,కార్యకర్తలు పాల్గొన్నారు.

ఐ ఎన్ బి టైమ్స్, తిరుపతి,ఫిబ్రవరి 08: రాష్ట్రములో దేవాంగ సమాజం ఆత్మగౌరవానికి, సామాజిక భద్రతకు, ఆర్థిక అభివృద్ధికి ప్రతీకగా నిలిచే దేవాంగ కార్పొరేషన్ ఏర్పాటు ఇప్పుడు ఒక సున్నితమైన, అత్యంత ప్రాధాన్యమైన అంశంగా మారింది. ఈ నేపథ్యంలో దేవాంగ అభ్యుదయ సేవా సంఘం రాష్ట్ర కన్వినర్ గుత్తి త్యాగరాజు రాష్ట్ర బీజేపీ అధ్యక్షుడు పీవీఎన్ మాధవ్ కు ప్రత్యేక చొరవ చూపాలని విజ్ఞప్తి చేయడం రాజకీయంగా మాత్రమే కాక, సామాజికంగా కూడా కీలకమైన పరిణామం.రాష్ట్రములో సుమారు 15 లక్షల మంది దేవాంగులు ఉన్నారు. చేనేత, పవర్‌లూమ్, వ్యాపారం, విద్య, ఉద్యోగ రంగాల్లో కీలక పాత్ర పోషిస్తున్న ఈ సమాజం ఎన్నో ఏళ్లుగా నిర్లక్ష్యానికి గురవుతూనే ఉంది. దేవాంగ కార్పొరేషన్ అనేది కేవలం ఒక ప్రభుత్వ సంస్థ కాదు – అది దేవాంగుల గౌరవానికి, గుర్తింపుకు, అభివృద్ధికి అధికారిక వేదిక. గత ప్రభుత్వ హయాంలో దేవాంగ కార్పొరేషన్ ఏర్పాటు చేయడం జరిగింది. అయితే ప్రభుత్వం మారిన తరువాత ఆ కార్పొరేషన్ భవిష్యత్ ఏమిటి అనే సందేహం దేవాంగ సమాజాన్ని వెంటాడుతోంది. ఈ ప్రభుత్వం లో దేవాంగులకు కార్పొరేషన్ కొనసాగింపే కాదు, దాన్ని మరింత బలోపేతం చేయడం ఒక ప్రతిష్టాత్మక అంశంగా మారింది.దేవాంగ కార్పొరేషన్ ద్వారా చేనేత కార్మికులకు ఆర్థిక భరోసా యువతకు ఉపాధి అవకాశాలు మహిళలకు స్వయం ఉపాధి ప్రోత్సాహం విద్య, నైపుణ్యాభివృద్ధి కార్యక్రమాలు అమలులోకి రావాల్సిన అవసరం ఉంది. ఇవన్నీ మాటలకే పరిమితం కాకుండా, కార్యరూపం దాల్చాలంటే రాజకీయ సంకల్పం తప్పనిసరి. ఈ సందర్భంలో రాష్ట్ర బీజేపీ అధ్యక్షుడు పీవీఎన్ మాధవ్ స్పందించడం ఎంతో కీలకం. బీజేపీ “సబ్కా సాథ్, సబ్కా వికాస్” అనే నినాదాన్ని నిజం చేయాలంటే, దేవాంగుల వంటి శ్రమజీవి, సంప్రదాయ వృత్తులపై ఆధారపడిన సమాజాలకు న్యాయం చేయాల్సిన బాధ్యత ఉంది.గుత్తి త్యాగరాజు చేసిన విజ్ఞప్తి వ్యక్తిగతం కాదు. అది 15 లక్షల దేవాంగుల స్వరం. ఇది రాజకీయ డిమాండ్ కంటే ఎక్కువగా ఒక సామాజిక అవసరం. దేవాంగ కార్పొరేషన్ ఏర్పాటు, దాని పూర్తి స్థాయి అమలు జరిగితే – అది దేవాంగ సమాజానికి కొత్త ఆశను, కొత్త దిశను చూపిస్తుంది.ఇప్పుడు ప్రశ్న ఒక్కటే –దేవాంగుల ఆత్మగౌరవానికి సంబంధించిన ఈ సున్నిత అంశంపై ప్రభుత్వం ఎంత త్వరగా, ఎంత గంభీరంగా స్పందిస్తుంది? సమాధానం చర్యల్లోనే కనిపించాలి.ఈ కార్యక్రమం లో దేవాంగ అభ్యుదయ సేవా సంఘం తిరుపతి పార్లమెంట్ ఇంచార్జి నాప శ్రీనివాస్, తిరుపతి అసెంబ్లీ ఇంచార్జి చల్లా శ్రీనివాస్, గూడూరు అసెంబ్లీ ఇంచార్జి పి సురేష్ తదితరులు పాల్గొన్నారు.

ఐ ఎన్ బి టైమ్స్ కంచికచర్ల ఫిబ్రవరి 8:మండలంలోనిఔటర్ రింగ్ రోడ్డు కింద భూములు కోల్పోయే రైతులకు బహిరంగ మార్కెట్ విలువ ప్రకారం నష్టం పరిహారం చెల్లించాలని ఓఆర్ఆర్ పరిధిలో భూములు కోల్పోయే రైతులు డిమాండ్ చేశారు.
మండలంలోని కంచికచర్ల  ఓసీ క్లబ్ లో ఓఆర్ఆర్ కింద భూములు కోల్పోతున్న రైతుల సమావేశము ఆదివారం సాయంత్రం జరిగింది.
ఈ సందర్భంగా పలువురు రైతులు మాట్లాడుతూ
ఔటర్ రింగ్ రోడ్ మొదట 140 మీటర్ల వెడల్పుతో ప్రతిపాదించారని, ప్రస్తుత గెజిట్ నోటిఫికేషన్ ప్రకారం వెడల్పు 250 మీటర్లకు పెంచటం రైతులను ఆందోళన గురిచేస్తుందన్నారు. బఫర్ జోన్ పేరిట మరో 500 మీటర్లు ఉంటుందని ప్రచారంలో ఉందని, ఇది రైతులను మరింత వేదనకు గురి చేస్తున్నదన్నారు. దీని ఫలితంగా రైతుల వ్యవసాయ భూమిలో ఎక్కువ విస్తీర్ణం సేకరింరిస్తున్నారన్నారు. 250 మీటర్ల వెడల్పుతో సేకరణ అనేది మితిమీరిన ఏకపక్షం నిర్ణయం అని, ప్రభుత్వం మొట్టమొదటి చెప్పిన దానికి వాస్తవ అవసరానికి చాలా మించిపోయి భూమి సేకరణ చేస్తున్నారన్నారు. ఓ ఆర్ ఆర్ వెడల్పు పెంపుదల అవసరం ,సాంకేత,సాధ్యాసాధ్య అధ్యయనం పరిశీలించి 70 మీటర్ల కు కుదించాలని రైతులు ఈ సందర్భంగా డిమాండ్ చేశారు. సెక్షన్ 26(1) భూసేకరణ ప్రతిపాదించిన సంవత్సరం నుండి మూడు సంవత్సరాల పాటు సమాన పరిసర ప్రాంతాల్లో 3 సంవత్సరాల అమ్మకాలు కొనుగోలు ఏది ఎక్కువ ధరకు అమ్ముడుపోయి ఉంటే దాని ఆధారంగా 4 రెట్లు అధికంగా ఇవ్వాలని చట్టం చెబుతుందని, రైతు సంఘాలు 10 రెట్లు డిమాండ్ చేస్తున్నారన్నారు. బహిరంగ మార్కెట్లో భూముల యొక్క విలువ అధికంగా ఉన్నదని, సమీపంలోని రియల్ ఎస్టేట్ భూముల విలువ ప్రకారం  పరిగణలోకి తీసుకోవాలనీ ప్రభుత్వానికి విజ్ఞప్తి చేశారు. రాజధాని ప్రాంతంలో తమ భూములు ఉన్నందున, ఓ ఆర్ ఆర్ పరిధిలో భూములను కమర్షియల్ ఏరియాగా గుర్తించి నష్టపరిహారం ఇవ్వాలని కోరారు. రిజిస్ట్రార్ విలువ భూమి యొక్క మార్కెట్ విలువ మధ్య చాలా వ్యత్యాసం ఉన్నందున బహిరంగ మార్కెట్ విలువ పరిగణలోకి తీసుకోని నష్టపరిహారం చెల్లించాలని రైతులు డిమాండ్ చేశారు. ఈ కార్యక్రమంలోఆంధ్రప్రదేశ్ రైతు జిల్లా కార్యదర్శి పగడాల వీరాంజనేయులు, వ్యవసాయ కార్మిక సంఘం జిల్లా కార్యదర్శి కోట కళ్యాణ్, గోపి నాయక్, రైతులు గంగిరెడ్డి రంగారావు, అల్లాడి కోటేశ్వరరావు, నన్నపనేని భాస్కరరావు మల్లెల సుబ్బారావు, కాపా శ్రీనివాసరావు, సాయిరాం, పూర్ణ, జ్ఞాన రెడ్డి, శ్రీనివాసరెడ్డి భోజడ్ల శ్రీనివాసరావు, బండి.కోటేశ్వరావు, బుడ్డి హరికృష్ణ, బుడ్డి రామకృష్ణ, బుడ్డి నరేంద్ర, బొమ్మిశెట్టి మోహనరావు, నన్నపనేని లక్ష్మీ నరసింహరావు, చవళం హరికృష్ణ, కపిలవాయి సుబ్బారావు, మంగళపూడి ప్రసాద్, గొర్రెపాటి మారేశ్వరావు, వివిధ గ్రామాల రైతులు పాల్గొన్నారు.

 ఐ ఎన్ బి టైమ్స్ జగ్గయ్యపేట ఫిబ్రవరి 8:
సీఎంఆలోచ‌న‌ల‌కుఅనుగుణంగా  ఎస్.హెచ్.జి  మహిళల స్వయం ఉపాధికి  ఎంపీ కేశినేని శివ‌నాథ్  తోడ్పాటు ఎమ్మెల్యే శ్రీరాం రాజ‌గోపాల్ (తాతాయ్య‌)
హైద‌రాబాద్ ఎన్‌.ఐ.ఆర్‌.డి లో  నైపుణ్యాభివృద్ధి శిక్షణకు ప్రత్యేక బస్సులో బయలుదేరిన 40 మంది ఎస్‌.హెచ్‌.జి మహిళలుజెండా ఊపి బస్సును ప్రారంభించిన ఎమ్మెల్యే శ్రీరాం రాజగోపాల్ (తాతయ్య)
కేశినేని ఫౌండేషన్ఎన్‌.ఐ.ఆర్‌.డి సంయుక్త ఆధ్వ‌ర్యంలో  హ్యాండ్‌మేడ్ పేపర్ ప్రొడక్ట్స్ త‌యారీ పై  శిక్షణపిబ్రవరి 9వ తేదీ నుంచి 13 వరకు హైద‌రాబాద్ ఎన్.ఐ.ఆర్.డి ప్రధాన కార్యాల‌యంలో  ఐదు రోజుల శిక్షణఎంపీ కేశినేని శివ‌నాథ్ సార‌థ్యంలో ఎస్.హెచ్.జి మ‌హిళ‌ల‌కు 11వ నైపుణ్యాభివృద్ది శిక్ష‌ణా కార్య‌క్ర‌మం జ‌గ్గ‌య్యపేట ఇంటికో పారిశ్రామిక వేత్త వుండాలన్న ముఖ్యమంత్రి చంద్రబాబు నాయుడు ఆశయాన్ని ముందు తీసుకువెళ్లుందుకు ఎంపి కేశినేని శివనాథ్ కేశినేని ఫౌండేషన్ ద్వారా తన సొంత నిధులతో  ప్రణాళిక బద్దంగా  అడుగులు వేయ‌టంతో పాటు మహిళలు ఆర్థికంగా స్వావలంబన సాధించేందుకు తోడ్పాటు అందిస్తున్నార‌ని ఎమ్మెల్యే శ్రీరాం రాజ‌గోపాల్ (తాతాయ్య‌) అన్నారు.
ఎంపీ కేశినేని శివ‌నాథ్ సారథ్యంలో  కేశినేని ఫౌండేష‌న్ మ‌రియు ఎన్.ఐ.ఆర్.డి సంయుక్త ఆధ్వ‌ర్యంలో  హైదరాబాద్ ఎన్.ఐ.ఆర్.డి ప్ర‌ధాన కార్యాల‌యంలో ఈ నెల 9 నుండి 13వ తేదీ వరకు  ఐదు రోజుల పాటు హ్యాండ్‌మేడ్ పేపర్ ప్రొడక్ట్స్  తయారీ విధానంపై శిక్ష‌ణ పొందేందుకు ఎన్టీఆర్ జిల్లా రూర‌ల్ నియోజ‌క‌వ‌ర్గాలకు చెందిన 40 మంది ఎస్.హెచ్.జి మ‌హిళ‌లతో ఒక ప్ర‌త్యేక బ‌స్సు ఆదివారం జ‌గ్గ‌య్య‌పేట‌ పట్టణం మున్సిప‌ల్ కార్యాల‌యం వ‌ద్ద  నుంచి బ‌య‌లుదేరింది. 
ఈ కార్య‌క్ర‌మానికి ముఖ్యఅతిథిగా హాజ‌రైన ఎమ్మెల్యే శ్రీరాం రాజ‌గోపాల్ (తాతాయ్య‌) శిక్ష‌ణ పొందేందుకు వెళుతున్న మహిళ‌ల‌కు శుభాకాంక్ష‌లు తెల‌ప‌టంతో పాటు వారితో స్వ‌యం మాట్లాడి వారి ఆస‌క్తి తెలుసుకున్నారు. అనంత‌రం ఎమ్మెల్యే శ్రీరాం రాజ‌గోపాల్ (తాతాయ్య‌) జెండా ఊపి బ‌స్సు ప్రారంభించారు. ఈ సంద‌ర్భంగా ఎమ్మెల్యే శ్రీరాం రాజ‌గోపాల్ (తాతాయ్య‌)  మాట్లాడుతూ మహిళలు ఆర్థికంగా స్వావలంబన సాధించేందుకు  నైపుణ్యాభివృద్ధి శిక్షణలు ఎంతో దోహదపడ‌తాయని,  హ్యాండ్ మేడ్ పేప‌ర్ ప్రొడ‌క్ట్స్ వంటి ఉపాధి అవకాశాలు గ్రామీణ మహిళలకు స్థిరమైన ఆదాయ మార్గంగా మారుతాయన్నారు. కేశినేని ఫౌండేషన్ సహకారంతో మహిళలకు శిక్షణ, ఉపాధి అవకాశాలు అందుబాటులోకి వస్తుండటంఅభినందనీయమని అన్నారు. ప్రభుత్వం మహిళల సంక్షేమం, ఉపాధి కల్పనకు ఎల్లప్పుడూ అండగా ఉంటుందని తెలిపారు. గ్రామాలతో పాటు గ్రామాల్లోని మ‌హిళ‌ల  అభివృద్ది కోసం ఎన్.ఐ.ఆర్.డి తో కేశినేని ఫౌండేష‌న్ ఎమ్.వో.యు చేసుకోవ‌టం  చాలా గొప్ప విష‌య‌మంటూ ప్ర‌శంసించారు. ఇందులో భాగంగా గ్రామీణ ప్రాంతాల స్వ‌యం స‌హాయ‌క సంఘాల మ‌హిళ‌ల‌ను స్వ‌యం ఉపాధి మార్గం వైపు న‌డిపించేందుకు ఎంపీ కేశినేని శివ‌నాథ్ కృషి చేస్తున్నార‌ని తెలిపారు.అనంత‌రంఎన్.ఐ.ఆర్.డి రూర‌ల్ కో-ఆర్డినేట‌ర్ సొంగా సంజ‌య్ వ‌ర్మ మాట్లాడుతూ ఎంపీ కేశినేని శివ‌నాథ్ నేతృత్వంలో గ‌త ఏడాది నుంచి ఎస్.హెచ్.జి మ‌హిళ‌ల‌కు ఎన్.ఐ.ఆర్.డిలో స్వ‌యం ఉపాధి కి సంబంధించి నైపుణ్యాభివృద్ది శిక్ష‌ణ ఇప్పిస్తున్నార‌న్నారు. ఇప్ప‌టి వ‌ర‌కు 10 నైఫుణ్యాభివృద్ది శిక్ష‌ణ కార్య‌క్ర‌మాలు జ‌ర‌గ్గా అందులో తొమ్మిది శిక్ష‌ణా కార్య‌క్ర‌మాల్లో జ‌గ్గ‌య్య‌పేట ఎస్.హెచ్.జి మ‌హిళ‌లు పాల్గొన్నార‌ని, వారంతా ఇప్పుడు స్వ‌యంగా ప్రొడ‌క్ట్స్ తయారు చేసి ఎంట‌ర్ ప్రెన్యూర్స్ రాణిస్తున్నార‌ని తెలిపారు. వీరు త‌యారు చేసే ప్రోడ‌క్ట్స్ కూడా మార్కెటింగ్ చేసేందుకు కూడా   ఎంపీ కేశినేని శివ‌నాథ్, ఎమ్మెల్యే శ్రీరాం రాజ‌గోపాల్ (తాతాయ్య‌) కృషి చేస్తున్నార‌ని తెలిపారు.  అలాగే తిరువూరు, నందిగామ, మైల‌వ‌రం నియోజ‌క‌వ‌ర్గాల్లోని ఎస్.హెచ్.జి మ‌హిళ‌ల‌కు ఎన్.ఐ.ఆర్.డి  నైఫుణ్యాభివృద్ది శిక్ష‌ణా కార్య‌క్ర‌మాలు ఇప్పించ‌టం జ‌రిగింద‌ని...ఎంపీ కేశినేని శివ‌నాథ్ సార‌ధ్యంలో  ఇదినిరంతరంజ‌రుగుతుంద‌న్నారు. ఈ కార్య‌క్ర‌మంలో ఎన్టీఆర్ జిల్లా  ఎన్.ఐ.ఆర్.డి అర్బ‌న్  కో-ఆర్డినేట‌ర్ వ‌ల్ల‌భ‌నేని న‌ర‌సింహాచౌద‌రి, జ‌గ్గ‌య్యపేట మండ‌ల డెవ‌ల‌ప్మెంట్ అధికారి జి.నితిన్, టిడిపి టౌన్ పార్టీ ప్ర‌ధాన కార్య‌ద‌ర్శి మైనేని రాధ‌, కౌన్సిల‌ర్లు క‌న్నెబోయిన రామ‌ల‌క్ష్మీ, సూర్య‌దేవ‌ర రామ్ ప్ర‌సాద్, నెక్క‌రికంటి వెంక‌టి, టిడిపి నాయ‌కుడు ఎస్.కె.న‌జీమున్, మండ‌ల మ‌హిళ స‌మైక్య అధ్య‌క్షురాలు నాయిని ర‌జ‌నీ, కృష్ణ‌వేణి, వెలుగు ఎ.పి.ఎమ్ లు ల‌క్ష్మ‌ణారావు, సంఘ‌య్య ల‌తో పాటు  ఎన్డీయే కూట‌మి నాయ‌కులు పాల్గొన్నారు

ఐ ఎన్ బి టైమ్స్ చందర్లపాడు ఫిబ్రవరి 8:పాతబెల్లంకొండవారిపాలెం గ్రామానికి చెందిన మేకల శ్రీను  కుమారుడు వెంకట సాయి ను మాజీ శాసన సభ్యులు డాక్టర్ మొండితోక జగన్మోహనరావు  ఘనంగా సత్కరించారు.నందిగామ వైయస్ఆర్ కాంగ్రెస్ పార్టీ కార్యాలయం లో మాజీ  శాసన సభ్యులు డాక్టర్ మొండితోక జగన్మోహనరావు  పార్టీ నాయకుల సమక్షంలో చిరంజీవి వెంకట సాయి ని అభినందించారు.ఈ సందర్బంగా ఆయన మాట్లాడుతూ విద్యార్థుల ప్రతిభ ను గుర్తించి ప్రోత్సహం అందించాలని, మేకల శ్రీను  ప్రోత్సహం ద్వారా ఈరోజు వారి కుమారుడు జాతీయ స్థాయి లో రానించి యువత కు ఆదర్శం గా నిలిచారాని అన్నారు.ఈ కార్యక్రమం లో పలువురు ప్రముఖులు పాల్గొన్నారు.

ఐ ఎన్ బి టైమ్స్ సికింద్రాబాద్ ఫిబ్రవరి 2:సికింద్రాబాద్ లోని జోరాష్ట్రీన్ క్లబ్ నందు హెల్లెల్ మ్యూజిక్ పాఠశాల విద్యార్థులు గిన్నీస్ వరల్డ్ రికార్డు కు ప్రయత్నించారు. హల్లెల్ మ్యూజిక్ పాఠశాల డైరెక్టర్ అండ్ ఫౌండర్ ఆగష్టిన్ దండింగి గత నాలుగు సంవత్సరాలుగా ఉచితంగా కీబోర్డ్ నేర్పిస్తూ ప్రతిసంవత్సరం అనేక మంది విద్యార్థులను ఈరోజు పాఠశాల ద్వారా సంగీత వాయిద్య కారులుగా తీర్చిదిద్ధుతున్నారు. ఇప్పటివరకు దాదాపుగా 10వేల మందికి ఉచితంగా కీబోర్డ్ వాయిద్య కారులుగా మార్చారు. ఇందులోభాగంగా ఫిబ్రవరి 2వ తారీఖున ఈరోజు కార్యక్రమం లో పాల్గొని గత రికార్డును బద్ధలు కొట్టారు. ఈరోజు కార్యక్రమంలో గిన్నీస్ వరల్డ్ రికార్డు అద్జుడికేటర్స్  బిందు ప్రియాంక, ఆనంద్ రాజేంద్రన్, పాఠశాల ప్రిన్సిపాల్, పాఠశాల సిబ్బంది పాల్గొని విజయవంతం చేసారు..

ఐ ఎన్ బి టైమ్స్ పల్నాడు జిల్లా ప్రతినిధి జనవరి 31: పల్నాడు జిల్లా టిడిపి పార్లమెంటరీ సెక్రటరీ(మాజీ కౌన్సిలర్) షేక్ జానీ భాష తన 26 వ వార్డులోని 58వ బూత్ నందు పెన్షన్ లబ్ధిదారులకు ఎన్టీఆర్ భరోసా పెన్షన్‌లను మాచర్ల శాసనసభ్యులు జూలకంటి బ్రహ్మానంద రెడ్డి ఆదేశాల మేరకు స్వయంగా పంపిణీ చేశారు.వృద్ధులు,వికలాంగులు,విధవలు సహా రెండు కొత్త స్పౌజ్ పెన్షన్లను,అర్హులైన ప్రతి ఒక్కరికీ పెన్షన్ అందేలా ప్రత్యేక శ్రద్ధ తీసుకుంటూ ఇంటింటికి వెళ్లి లబ్ధిదారులను పలకరించారు.ఈ సందర్భంగా షేక్ జానీ భాష మాట్లాడుతూ...ఫిబ్రవరి ఒకటో తేదీ ఆదివారం రావడంతో ఒకరోజు ముందుగానే జనవరి 31వ తేదీన పెన్షన్లు పంపిణీ చేయడం జరిగిందన్నారు.ముఖ్యమంత్రి చంద్రబాబు నాయుడు సారధ్యంలో రాష్ట్రం సంక్షేమ అభివృద్ధిలో దూసుకెళ్తుందని అన్నారు. మాచర్ల నియోజవర్గం అభివృద్ధి పథంలో నడవడానికి ఎమ్మెల్యే జూలకంటి బ్రహ్మానంద రెడ్డి ఎంతో కృషి చేస్తున్నారని అన్నారు.“ప్రభుత్వ సంక్షేమ పథకాలు నిజమైన అర్హులకు చేరాలన్నదే తమ లక్ష్యం అని,పేదల సంక్షేమమే తెలుగుదేశం పార్టీ ప్రధాన ధ్యేయం”అని అన్నారు.పెన్షన్ అందుకున్న లబ్ధిదారులు ఆయనకు కృతజ్ఞతలు తెలియజేస్తూ ఆనందం వ్యక్తం చేశారు.ప్రజల సమస్యలను నేరుగా తెలుసుకుంటూ,సంక్షేమ కార్యక్రమాల్లో చురుగ్గా పాల్గొంటున్న షేక్ జానీ భాష సేవాభావాన్ని స్థానికులు ప్రశంసిస్తున్నారు.వార్డులో అభివృద్ధి కార్యక్రమాలతో పాటు సామాజిక భద్రతకు ఆయన చేస్తున్న కృషి ఆదర్శంగా నిలుస్తోంది.ఈ కార్యక్రమంలో వార్డు కన్వీనర్ కె.పార్వతి,జనసేన నాయకులు షేక్.ఫారుక్, కూటమి నాయకులు,తదితరులు పాల్గొన్నారు

ఐ ఎన్ బి టైమ్స్ పల్నాడు జిల్లా ప్రతినిధి ఫిబ్రవరి 01:పల్నాడు జిల్లా,మాచర్ల నియోజకవర్గంలోని పోలేపల్లి గ్రామంలో మాజీ శాసనసభ్యులు పిన్నెల్లి రామకృష్ణారెడ్డిని అక్రమంగా అరెస్టు చేశారన్న ఆరోపణలతో ప్రజలు,పార్టీ శ్రేణులు భారీ స్థాయిలో కొవ్వొత్తుల నిరసన కార్యక్రమం నిర్వహించారు.ప్రజాస్వామ్య విలువలను కాపాడాలన్న నినాదాలతో గ్రామమంతా వెలుగుల ర్యాలీగా మారి నిరసన గళం మార్మోగింది.గ్రామ ప్రధాన వీధుల గుండా వందలాది మంది చేతుల్లో కొవ్వొత్తులు పట్టుకుని శాంతియుతంగా సాగిన ఈ నిరసనలో మహిళలు,యువకులు,వృద్ధులు పెద్ద సంఖ్యలో పాల్గొని ప్రభుత్వ తీరుపై ఆగ్రహం వ్యక్తం చేశారు.రాజకీయ కక్ష సాధింపుతోనే పిన్నెల్లి రామకృష్ణారెడ్డిపై తప్పుడు కేసులు బనాయించి అరెస్టు చేశారని వారు ఆరోపించారు.ప్రజల సమస్యల పరిష్కారంలో ముందుండే నాయకుడిని అణిచివేయాలనే ప్రయత్నం ప్రజలు ఎప్పటికీ సహించరని హెచ్చరించారు.ఈ సందర్భంగా పోలేపల్లి సర్పంచ్ బుసిరెడ్డి సాగర్ రెడ్డి మాట్లాడుతూ...“పిన్నెల్లి రామకృష్ణారెడ్డి పేదల గుండెల్లో స్థానం సంపాదించిన ప్రజానాయకుడు.ఆయనపై అక్రమ అరెస్టు ప్రజాస్వామ్యంపై దాడి.ఇలాంటి చర్యలను ప్రభుత్వం వెంటనే నిలిపివేసి ఆయన్ను బేషరతుగా విడుదల చేయాలి”అని డిమాండ్ చేశారు.నిరసన సందర్భంగా గ్రామంలో న్యాయానికి మద్దతుగా నినాదాలు మార్మోగాయి.“అక్రమ అరెస్టులు నిలిపివేయాలి”,“ప్రజాస్వామ్యాన్ని కాపాడాలి”, “పిన్నెల్లికి న్యాయం చేయాలి”అంటూ ప్రజలు గళమెత్తారు.ఈ కార్యక్రమం మొత్తం శాంతియుతంగా కొనసాగింది.పోలేపల్లిలో జరిగిన ఈ కొవ్వొత్తుల మహా నిరసన ప్రజల్లో న్యాయంపై ఉన్న నమ్మకాన్ని,ప్రజానాయకుడిపై ఉన్న ఆదరణను స్పష్టంగా చూపించింది. మాజీ ఎమ్మెల్యే అరెస్టుపై ప్రజల్లోనెలకొన్నఅసంతృప్తిరోజురోజుకుఉద్ధృతమవుతుండగా,ప్రభుత్వం స్పందించాల్సిన అవసరం ఉందన్న స్వరం బలంగావినిపిస్తోంది.

ఐ ఎన్ బి టైమ్స్ పల్నాడు జిల్లా ప్రతినిధి జనవరి 20:పల్నాడు జిల్లా పార్లమెంటరీ సెక్రటరీ గా మాజీ మున్సిపల్ కౌన్సిలర్ ఎస్.కె.జానిబాష ఎన్నిక కావడం పట్ల ఆయన బాల్యమిత్రులు హర్షం వ్యక్తం చేశారు.ఈ సందర్భంగా బాల్యమిత్రులు కలిసి ఎస్.కె జానిబాష ని దుశ్శాలువాలతో ఘనంగా సత్కరించి,అభినందనలు తెలియజేశారు.ఈ కార్యక్రమంలో పాల్గొన్న బాల్యమిత్రులు మాట్లాడుతూ...పార్టీ పట్ల నిబద్ధతతో,ప్రజాసేవే లక్ష్యంగా రాజకీయ జీవితాన్ని కొనసాగిస్తున్న ఎస్.కె.జానిబాష ఈ పదవికి ఎన్నిక కావడం ఎంతో గర్వకారణమని తెలిపారు.మున్సిపల్ కౌన్సిలర్‌గా పనిచేసిన సమయంలో ప్రజా సమస్యల పరిష్కారానికి నిరంతరం కృషి చేసిన ఆయనకు ఈ బాధ్యత మరింత ఉత్సాహాన్ని ఇస్తుందని పేర్కొన్నారు.పార్లమెంటరీ పార్టీ కార్యదర్శిగా ఎన్నికైన ఎస్.కె. జానిబాష మాట్లాడుతూ...తనపై నమ్మకం ఉంచి బాధ్యత అప్పగించిన పార్టీ అధినేత చంద్రబాబు నాయుడు,నరసరావుపేట పార్లమెంట్ సభ్యులు లావు శ్రీకృష్ణదేవరాయులు, మాచర్ల శాసనసభ్యులు జూలకంటి బ్రహ్మానందరెడ్డి కి,కార్యకర్తలకు కృతజ్ఞతలు తెలిపారు.పార్టీ బలోపేతానికి, కార్యకర్తల సంక్షేమానికి అంకితభావంతో పనిచేస్తానని హామీ ఇచ్చారు.తన రాజకీయ ప్రస్థానంలో ఎల్లప్పుడూ తోడుగా నిలిచిన బాల్యమిత్రుల సత్కారం మరచిపోలేనిదని భావోద్వేగంగా తెలిపారు.ఈ సత్కార కార్యక్రమం స్నేహబంధాలకు,రాజకీయ సేవాభావానికి చక్కటి నిదర్శనంగా నిలిచిందని స్థానికులు అభిప్రాయపడ్డారు.

ఐ న్ బి టైమ్స్ అమరావతి, జనవరి 6: ఆంధ్రప్రదేశ్ వ్యవసాయ రంగం సాంకేతికత, ఖచ్చితత్వం, స్థిరమైన అభివృద్ధి దిశగా ముందడుగు వేస్తోందని వ్యవసాయ శాఖ మంత్రి  కింజరాపు అచ్చెన్నాయుడు  తెలిపారు. మంగ‌ళ‌వారం విజ‌య‌వాడ‌లోని గ‌వ‌ర్న‌ర్ పేట నందు గ‌ల స‌మ‌గ్ర‌ జ‌ల‌వ‌న‌రుల నిర్వ‌హణ & రైతు శిక్ష‌ణ కేంద్రంలోని సమావేశ మందిరంలో రాష్ట్ర‌ ఉద్యానశాఖ ఆధ్వ‌ర్యంలో సూక్ష్మ సాగునీటిలో ఆటోమేషన్ ను మంత్రి ప్రారంభించారు. ఈ సంద‌ర్భంగా మంత్రి అచ్చెన్నాయుడు మాట్లాడుతూ నీటి వనరుల తగ్గుదల, వాతావరణ మార్పులు, సాగు వ్యయాల పెరుగుదల వంటి సవాళ్ల మధ్య రైతును కాపాడాలంటే వ్యవసాయాన్ని స్మార్ట్ వ్యవసాయంగా మార్చాల్సిన అవసరం ఉందని చెప్పారు. దేశానికి మార్గదర్శకమైన మైక్రో ఇరిగేషన్‌ను మరింత బలోపేతం చేస్తూ, “పర్ డ్రాప్ మోర్ క్రాప్” నుంచి “పర్ డ్రాప్ మోర్ రిటర్న్స్” దిశగా ప్రభుత్వం అడుగులు వేస్తోందని పేర్కొన్నారు. ఇకపై నీరు, ఎరువుల వినియోగం ఊహలపై కాకుండా సెన్సర్లు, డేటా, ఆటోమేషన్ ఆధారంగా జరగడంతో 20–30 శాతం నీటి ఆదా, కార్మిక వ్యయాల తగ్గింపు, దిగుబడి,నాణ్యత పెరుగుదల సాధ్యమవుతాయని చెప్పారు. ఉద్యాన, తోట, షేడ్ నెట్, గ్రీన్ హౌస్ మరియు అధిక విలువైన పంటలకు ఈ పథకం అత్యంత ఉపయోగకరమని వివరించారు. PMKSY కింద హెక్టారుకు ₹40,000 వరకు మద్దతుతో రాష్ట్రవ్యాప్తంగా అమలు జరుగుతోందని తెలిపారు. చిన్న, సన్నకారు మరియు SC/ST రైతులకు 55%, ఇతర రైతులకు 45% సబ్సిడీ అందిస్తూ, ఇప్పటికే ఉన్న డ్రిప్‌లలోనూ ఆటోమేషన్ అమర్చుకునే వీలుందని చెప్పారు. ఎంపానెల్ చేసిన కంపెనీల ద్వారానే పారదర్శక అమలు, స్థిర ధరలు, అధికారి తనిఖీ అనంతరమే చెల్లింపులు, ప్రతి భాగంపై “APMIP” ముద్ర తప్పనిసరిగా ఉంటుందని పేర్కొన్నారు. వారంటీ, సర్వీస్ సపోర్ట్, త్వరితగతిన ఫిర్యాదు పరిష్కారం కల్పిస్తూ రైతును ఎప్పుడూ భరోసాగా నిలబెడతామని స్పష్టం చేశారు. నీటి, విద్యుత్, ఎరువుల ఖర్చులు తగ్గి, దిగుబడులు పెరిగి, రైతు ఆదాయం స్థిరపడేలా ఆటోమేషన్ ఆధారిత మైక్రో ఇరిగేషన్ వ్యవసాయ సంస్కరణగా నిలుస్తుంది. స్మార్ట్ వ్యవసాయంతో ఆంధ్రప్రదేశ్‌ను దేశానికి ఆదర్శంగా నిలబెడదామని మంత్రి అచ్చెన్నాయుడు  అన్నారు. ఈ కార్యక్రమంలో వ్యవసాయ శాఖ ప్రత్యేక ప్రధాన కార్యదర్శి బుడితి రాజశేఖర్, ఉద్యాన శాఖ డైరెక్టర్ కె.శ్రీనివాసులు, తదితరులు పాల్గొన్నారు

ఐ ఎన్ బి టైమ్స్ మాచర్ల ప్రతినిధి  డిసెంబర్ 21 :ఎమ్మెల్యే జూలకంటి బ్రహ్మానందరెడ్డి సూచన మేరకు పల్నాడు జిల్లా,మాచర్ల పట్టణంలోని 24,25 వార్డులకి సంబంధించిన సచివాలయం పరిధిలో ఆదివారం పల్స్ పోలియో కార్యక్రమం జరిగింది. ఈ కార్యక్రమంలో మాచర్ల నియోజకవర్గ తెలుగు యువత అధ్యక్షులు కోమటి వీరు పాల్గొని చిన్నారులకు పల్స్ పోలియో చుక్కలు వేశారు. పలువురు కూటమి నాయకులు, కార్యకర్తలు వైద్య సిబ్బంది, దొడ్డా చందు తదితరులు పాల్గొన్నారు.

ఐ ఎన్ బి టైమ్స్ పల్నాడు జిల్లా ప్రతినిధి డిసెంబర్ 21:

పల్నాడు జిల్లా,మాచర్ల నియోజకవర్గంలోని పోలేపల్లి గ్రామంలో ఆదివారం రోజున ఆంధ్రప్రదేశ్ రాష్ట్ర మాజీ ముఖ్యమంత్రి వైఎస్ జగన్మోహన్ రెడ్డి పుట్టినరోజు వేడుకలు ఘనంగా నిర్వహించారు.ఈ సందర్భంగా గ్రామంలోని కుంటలో ఉన్న దివంగత మహానేత డాక్టర్ వై.యస్.రాజశేఖరరెడ్డి విగ్రహానికి పూలమాలవేసినివాళులర్పించారు. ఈ సందర్భంగా గ్రామ సర్పంచ్ బుసిరెడ్డి సాగర్ రెడ్డి మాట్లాడుతూ...తమ ప్రియతమ నేత జగన్మోహన్ రెడ్డి పుట్టినరోజు వేడుకలు జరుపుకోవడం ఒక పండుగ వాతావరణాన్ని నెలకొల్పిందని,  పేద,బడుగు బలహీన వర్గాలకు, కనీస అవసరాలైన విద్యా,వైద్యం, సంక్షేమ పథకాలు,అందించడంలో ఏమాత్రం వెనకడుగు వేయకుండా అమలు చేసిన ఘనత ఆయనకే దక్కుతుందని కొనియాడారు.ఈ కార్యక్రమంలో మాజీ సర్పంచ్ పాల్వాయి అంజిరెడ్డి,వైసీపీ సీనియర్ నాయకులు గౌరెడ్డి వెంకట్ రెడ్డి,మాజీ ఎంపీటీసీ పోశం సాంబయ్య, యువ నాయకులు సగిలి శ్రీకాంత్ రెడ్డి, దేశం సీతారెడ్డి,వై.యస్.ఆర్.సి.పి నాయకులు, కార్యకర్తలు,అభిమానులు పాల్గొన్నారు.

ఐ ఎన్ బి టైమ్స్, మాచర్ల ప్రతినిధి, డిసెంబర్ 21:

 వై.యస్.జగన్మోహనరెడ్డి పుట్టినరోజు సందర్భంగా మాచర్ల పట్టణంలోని బస్టాండ్ సెంటర్ లో గల దివంగత మహానేత డాక్టర్ వై.యస్.రాజశేఖరరెడ్డి విగ్రహానికి పల్నాడు జిల్లా వై.యస్.ఆర్ కాంగ్రెస్ పార్టీ అధ్యక్షులు,మాచర్ల మాజీ ఎమ్మెల్యే పిన్నెల్లి రామకృష్ణారెడ్డి సతీమణి పిన్నెల్లి రమా పూలమాల వేసి నివాళులర్పించారు. ఈ కార్యక్రమంలో మాచర్ల నియోజకవర్గంలోని వై.యస్.ఆర్.సి.పి నాయకులు, కార్యకర్తలు, అభిమానులు అధిక సంఖ్యలో పాల్గొన్నారు

ఐ ఎన్ బి టైమ్స్ పల్నాడు జిల్లా ప్రతినిధి డిసెంబర్ 21: నా పేరు దాసరి కీర్తి భర్త పేరు ప్రకాష్ నా వయసు 23 సంవత్సరాలు,నివాసము మాచర్ల.నేను నా కుటుంబ సభ్యులతో కలిసి. 13/12/2025 తేదీనాడు సాయంత్రం సుమారు 5 గంటల సమయంలో నాగర్జునసాగర్ లోని సాగర్ మాత గుడికి మ్రొక్కుబడి తీర్చుకొను నిమిత్తము వెళ్ళుటకుగాను కొత్తపల్లి జంక్షన్ వద్ద ఆటో ఎక్కి నాగార్జునసాగర్ వెళ్లి,మేరీ మాత గుడి వద్ద దిగి,నా లగేజీ తీసుకుందామని చూసుకొనగా అందులో నా హ్యాండ్ బ్యాగ్ కనిపించలేదు.అంతట ఆటో మొత్తం వెతికినా హ్యాండ్ బ్యాగ్ కనిపించలేదు.ఆ బ్యాగ్ లో నా పదవ తరగతి మార్క్ లిస్ట్,ఇంటర్మీడియట్ మార్క్ లిస్ట్ ఉన్నవి.అవి పోయినవి. వాటి వివరాలు పదవ తరగతి మార్క్ లిస్ట్ నెంబర్ QQ 223884 రోల్ నెంబర్ 1714124537,ఇంటర్మీడియట్ మార్క్ లిస్ట్ నెంబర్ 7291995 రోల్ నెంబర్ 2006314603 నాకు ఎంతో విలువైన నా సర్టిఫికెట్లను మీకు దొరికినా, కనిపించిన ఎడల  క్రింద ఇచ్చిన  నెంబర్ల కు ఫోన్ చేసి తెలియపరచగలరని ప్రార్థిస్తున్నాను. 9010819676,9704352524.

ఐ ఎన్ బి టైమ్స్ , డిసెంబర్ 21:విజయవాడ ప్రతినిధి : ఆల్ ఇండియా బంజారా సేవా సంఘం ఎన్టీఆర్ జిల్లా మరియు కృష్ణాజిల్లాల బాడి ప్రమాణస్వీకారోత్సవం  గవర్నర్ పేట, విజయవాడ లో గల బసవ పున్నయ్య  విజ్ఞాన కేంద్రం నందు అంగరంగ వైభవంగా జరిగింది.  ఈ కార్యక్రమానికి ఆల్ ఇండియా బంజారా సేవ సంఘం ఆంధ్రప్రదేశ్ రాష్ట్ర ప్రతినిధులు హాజరయ్యారు. ఆంధ్రప్రదేశ్ రాష్ట్ర ఆల్ ఇండియా బంజారా సేవా సంఘం అధ్యక్షులు చక్రి నాయక్ మాట్లాడుతూ ఆంధ్రప్రదేశ్ రాష్ట్రంలో బంజారాలో ఉన్నారని ప్రభుత్వమే మర్చిపోయిందని పంచారాలకు రాజకీయపరంగా వృత్తి నైపుణ్యత పరంగా పారిశ్రామికవేత్తలుగా ఎదిగే విధంగా అన్ని రంగాలలో వెనుకబడి ఉన్నారని అలాగే చాలా తాండాలకి రోడ్డు రవాణా సౌకర్యం లేక సెల్ ఫోన్ టవర్లు లేక, సరేనా తాగునీటి సరఫరా లేక ఎన్నో ఇబ్బందులు పడుతున్నారని , పంజరాలు నివసిస్తున్న ప్రాంతాలను ప్రత్యేక పంచాయతీలుగా గుర్తించాలని,వీటన్నిటిని ప్రభుత్వం దృష్టికి తీసుకెళ్లి బంజారాలకు సరైన న్యాయం జరిగే దిశగా పాటుపడతామని తెలియజేశారు, ఒకవేళ ప్రభుత్వం బంజారాలకు జరుగుతున్న అన్యాయంపై మొండివైఖరి గనుక ప్రదర్శిస్తే విజయవాడ నడిబొడ్డులో లక్షమంది బంజారాలతో సభను నిర్వహించి ప్రభుత్వానికి బంజారాల ఐక్యతను చూపిస్తూ ప్రభుత్వానికి సరైన విధంగా మార్గనిర్దేశం ఇచ్చేలాగా చేయాల్సి వస్తుందని ఆయన ఈ సందర్భంగా తెలియజేశారు. ఈ కార్యక్రమంలో రాష్ట్ర అధ్యక్షులు చక్రి నాయక్, ప్రధాన కార్యదర్శి జటావత్ రాంబాబు, బాలాజీ, బి వెంకటేశ్వర్లు, వాసు, తదితర ప్రముఖులు పాల్గొన్నారు.

ఐ ఎన్ బి టైమ్స్ పల్నాడు జిల్లా ప్రతినిధి డిసెంబర్ 21:నేడు ఏపీ రాష్ట్ర వ్యాప్తంగా నిర్వహిస్తున్న పల్స్ పోలియో కార్యక్రమాన్ని మాచర్ల టౌన్ నందు మాజీ మార్కెట్ యార్డ్ మాజీ చైర్మన్ యాగంటి మల్లికార్జున రావు ప్రారంభించి,చిన్నారులకు పోలియో చుక్కలు వేశారు.ఈ సందర్భంగా ఆయన మాట్లాడుతూ...ఐదు సంవత్సరాలలోపు ప్రతి ఒక్క చిన్నారి పోలియో చుక్కలు వేయించుకోవాలని,రెండు పోలియో చుక్కలు అంగ వైకల్యాన్ని నివారిస్తుందని,ఈ రెండు చుక్కలు బిడ్డని పోలియోనుండి రక్షిస్తుందని తెలియజేశారు.ఈ కార్యక్రమంలో  వార్డు అధ్యక్షులు బండ్ల బ్రహ్మం,చందు గౌడ్,పట్టణ ప్రధాన కార్యదర్శి బండ్ల శ్రీను,ఆరోగ్య సిబ్బంది రాయపాటి రాజకుమారి,హెల్త్ సూపర్వైజర్ శ్రీనివాస రావు,కుమారి తదితరులు పాల్గొన్నారు...

ఐ ఎన్ బి టైమ్స్ కూకట్పల్లి ప్రతినిధి, డిసెంబర్ 18:

IEEE GRSS JNTUH స్టూడెంట్ బ్రాంచ్ చాప్టర్‌తో కలిసి IEEE హైదరాబాద్ CIS/GRSS జాయింట్ చాప్టర్, హైదరాబాద్‌లోని కూకట్‌పల్లిలోని JNTUH-UCESTHలోని ప్రిన్సిపాల్ ఆఫీస్ భవనంలోని SIT సెమినార్ హాల్‌లో మల్టీ-ఛానల్, మల్టీ-స్కేల్, మల్టీ-టెంపోరల్ ఇమేజ్ అనాలిసిస్‌లో పురోగతిపై GRSS స్పాన్సర్డ్ విశిష్ట లెక్చరర్ టాక్‌ను నిర్వహించింది.
ఈ ప్రసంగాన్ని హూస్టన్ విశ్వవిద్యాలయంలో ప్రొఫెసర్, IEEE సీనియర్ సభ్యుడు డాక్టర్ సౌరభ్ ప్రసాద్ అందించారు. రిమోట్ సెన్సింగ్, బయోమెడిసిన్ కోసం మెషిన్ లెర్నింగ్ సిగ్నల్ ప్రాసెసింగ్‌పై ఆయన పరిశోధన దృష్టి సారించింది. ఆయన NASA న్యూ ఇన్వెస్టిగేటర్ అవార్డు గ్రహీత.
ఈ సెషన్ మల్టీస్పెక్ట్రల్ , హైపర్‌స్పెక్ట్రల్ ఎర్త్ అబ్జర్వేషన్ డేటాను విశ్లేషించడం, సెన్సార్ వేరియబిలిటీ, డిస్ట్రిబ్యూషన్ షిఫ్ట్‌లు, పరిమిత గ్రౌండ్ ట్రూత్, స్వీయ-పర్యవేక్షించబడిన లెర్నింగ్ మరియు ఫౌండేషన్ మోడల్‌లతో సహా ఉద్భవిస్తున్న విధానాల కోసం ఇటీవలి జియోఏఐ పద్ధతులను కవర్ చేసింది.
జియోఇన్ఫర్మేటిక్స్, డేటా సైన్స్ మొదలైన ఇంజనీరింగ్ విభాగాల నుండి 67 మంది పాల్గొనేవారితో ఈ సెషన్ సందడిగా ఉంది, వీరితో పాటు వివిధ IEEE సభ్యులు , అనేక మంది IEEE కాని సభ్యులు కూడా ఉన్నారు.
 ఈ కార్యక్రమానికి JNTUH UCESTH ప్రిన్సిపాల్ డాక్టర్ జీ. వి.
నర్సింహ రెడ్డి నాయకత్వం వహించారు.

ఐ ఎన్ బి టైమ్స్ కూకట్పల్లి ప్రతినిధి, డిసెంబర్ 18: కూకట్‌పల్లి నియోజకవర్గంలోని కేపీహెచ్‌బీ కాలనీ 5వ ఫేజ్‌ (లోధా అపార్ట్మెంట్) ప్రక్కన ఉన్న GHMC గ్రౌండ్‌ లో గబ్బర్ స్పోర్ట్స్ శేషుబాబు, తుంగల నాయుడు, విష్ణు తేజ,శంకర్ , శ్రీకాంత్, విన్నకోట వారి ఆహ్వానం మేరకు, (GPL) గబ్బర్ ప్రీమియర్ లీగ్ సీజన్ క్రికెట్ టోర్నమెంట్ ప్రారంభోత్సవ కార్యక్రమానికి  ముఖ్యఅతిథిగా కూకట్‌పల్లి నియోజకవర్గ జనసేన పార్టీ ఇంచార్జ్ ముమ్మారెడ్డి ప్రేమ కుమార్, జెఎన్‌టియు పోలీస్ స్టేషన్ సబ్ ఇన్స్పెక్టర్ (SI) మౌనికారెడ్డి, నందకుమార్ పాల్గొన్నారు.క్రికెట్ టోర్నమెంట్ ను ప్రేమకుమార్  రిబ్బన్ కట్ చేసి ప్రారంభించారు. అనంతరం నిర్వాహకులు వారికి పూల గుచ్ఛం ఇచ్చి శాలువతో  సత్కరించారు.
ఈ సందర్భంగా ప్రేమ కుమార్ మాట్లాడుతూ, యువతను క్రీడల వైపు ప్రోత్సహించే ఇలాంటి టోర్నమెంట్లు శారీరక దృఢత్వంతో పాటు క్రమశిక్షణ, ఐక్యత, నాయకత్వ లక్షణాలను పెంపొందిస్తాయని తెలిపారు. మత్తు పదార్థాలకు దూరంగా ఉంచి ఆరోగ్యకరమైన జీవనశైలిని అలవర్చే మార్గమని అన్నారు. అలాగే కాలనీ స్థాయి

ఐ ఎన్ బి టైమ్స్ కూకట్పల్లి ప్రతినిధి, డిసెంబర్ 18:అభివృద్ధి పేరిట పేదల ఇళ్లను కూల్చివేయడం అమానుషమని, ఎమ్మెల్యేగా ఉండి ప్రజలను కాపాడాల్సింది పోయి దగ్గరుండి ఇళ్లను కూల్చివేయడం అరికెపూడి గాంధీ వైఫల్యానికి నిదర్శనమని కూకట్‌పల్లి ఎమ్మెల్యే & శేరిలింగంపల్లి బిఆర్ఎస్ ఇంచార్జ్ మాధవరం కృష్ణారావు తీవ్రస్థాయిలో ధ్వజమెత్తారు. ఆల్విన్ కాలనీ డివిజన్ పరిధిలోని ఎల్లమ్మబండలో 100 ఫీట్ల రోడ్డు విస్తరణలో భాగంగా కూల్చివేసిన ఇళ్లను గురువారం ఆయన 124 ఆల్విన్ కాలనీ డివిజన్ ఇన్చార్జి 𝗕𝗥𝗦 𝗣𝗮𝗿𝘁𝘆 సీనియర్ నాయకులు ఎర్రబెల్లి సతీష్ రావు ఆధ్వర్యంలో BRS పార్టీ శ్రేణులతో కలసి సందర్శించారు. బాధితులను పరామర్శించి, వారికి అండగా ఉంటామని భరోసా ఇచ్చారు...
ఈ సందర్భంగా ఎమ్మెల్యే మాధవరం కృష్ణారావు  మాట్లాడుతూ.. ఎమ్మెల్యే అరికెపూడి గాంధీ తీరుపై మండిపడ్డారు. ఎల్లమ్మబండ ప్రభుత్వ భూమి అని, అక్కడ నివసిస్తున్న వారు నిరుపేదలని గాంధీకి తెలియదా.?
గతంలో ఎన్నోసార్లు ఈ విషయాన్ని ఆయనే ప్రస్తావించారు.
ఇప్పుడు స్వయంగా ఆయనే రంగంలోకి దిగి నిరుపేదల నీడను దూరం చేయడం ఏ రకమైన రాజకీయం? అని ప్రశ్నించారు.

ఐ ఎన్ బి టైమ్స్ కారంపూడి ప్రతినిధి నవంబర్ 22:మాచర్ల నియోజకవర్గ తెలుగుదేశం పార్టీ నాయకులు చిరుమామిళ్ల మధుబాబు కు "పల్నాడు జిల్లా అర్బన్ డెవలప్మెంట్ అథారిటీ ఛైర్మెన్" గా నియమితులైన సందర్భంగా ...పల్నాడు జిల్లా కారంపూడి పట్టణ టిడిపి మాజీ అధ్యక్షుడు కటికల బాలకృష్ణ హృదయపూర్వక శుభాకాంక్షలు తెలియజేశారు.ఈ సందర్భంగా బాలకృష్ణ మాట్లాడుతూ..  భవిష్యత్తులో ఉన్నత పదవులు అధిరోహించాలని,పల్నాడు జిల్లా ను  అభివృద్ధి పథంలో నడిపించేందుకు కృషి చేయాలని కోరారు.

ఐ ఎన్ బి టైమ్స్ మాచర్ల ప్రతినిధి నవంబర్ 22:పల్నాడు జిల్లా, మాచర్ల నియోజకవర్గం, మాచర్ల పట్టణంలో, స్వామి వివేకానంద చారిటబుల్ ట్రస్ట్ మాచర్ల వారి ఆధ్వర్యంలో స్వామి వివేకానంద సేవాశ్రమంలో (ది 22.11.2025) శనివారం  రోజు ఆధార్ కార్డు లేని చిన్నారులకు ఆధార్ కార్డ్స్ తీయించుచున్నట్లు స్వామి వివేకానంద చారిటబుల్ ట్రస్ట్ ఫౌండరీ చైర్మన్ మెట్టు గోవింద రెడ్డి తెలిపారు.స్వామి వివేకానంద సేవాశ్రమం పక్కన అనేకమంది చిన్నపిల్లలకు, ముఖ్యంగా ఆశ్రమం పక్కనున్నటువంటి చెంచు పిల్లలకు ఆధార్ కార్డు లేనందువల్ల, స్కూల్ కి వెళ్లడానికి ఇబ్బందికరంగా ఉన్న విషయం తెలుసుకున్న గోవిందరెడ్డి స్థానిక తాసిల్దార్ బి. కిరణ్ కుమార్, మరియు మున్సిపల్ కమిషనర్ డి. వేణుబాబు, వార్ల సహాయ సహకారంతో వారందరి బయోడేటా సేకరించి, వారందరికీ డేట్ అఫ్ బర్త్  సెట్ చేసి, తర్వాత వివేకానంద సేవాశ్రమంలోనే ఆధార్ కార్డు తీయించినట్లు గోవింద రెడ్డి తెలిపారు. గత సంవత్సరం నుండి ఆర్డీవో  యొక్క సలహాలతో, ముఖ్యంగా స్థానిక తాసిల్దార్ కిరణ్ కుమార్, కమిషనర్ వేణుబాబు సహకారంతో ఈ కార్యక్రమం స్వామి వివేకానంద సేవాశ్రమంలో ప్రారంభమైనట్లు గోవిందరెడ్డి తెలిపారు. ఆధార్ కార్డు లేకపోవడం వల్ల చాలా మంది చిన్నారులు స్కూల్లో జాయిన్ చేసుకోక, వీధులలో తిరుగుతూ అసాంఘిక కార్య క్రమాలకు పాల్పడుతున్న విషయం గమనించిన గోవిందరెడ్డి, గత సంవత్సరం నుండి ఈ విషయం మీద అధికారులతో మాట్లాడి, చివరకు ఈ కార్యక్రమాన్ని సక్సెస్ చేశారు. రెండు రోజులపాటు ఈ యొక్క కార్యక్రమం వివేకానంద సేవాశ్రమం లోనే ఉంటుందని, ఆశ్రమం ప్రక్కన చిన్నారులు కానీ ఇంక ఎవరైనా కుల,మత, భాషా, బేధం లేకుండా, వయస్సు భేదం లేకుండా ఎవరైనా సరే స్వచ్ఛందంగా వచ్చి ఆధార్ కార్డు తీయించుకోగలరని గోవిందరెడ్డి తెలిపారు.

ఐ ఎన్ బి టైమ్స్, గోకవరం ప్రతినిధి, నవంబర్ 22:గోకవరం మండలం తిరుమలయపాలెం గ్రామ శివారు, కాలువ గట్టుపై సారా కాస్తున్నారన్న సమాచారంతో గోకవరం పోలీసులు సారా బట్టిపై దాడి చేశారు. ఈ దాడిలో సారా కాస్తున్న, అదే గ్రామానికి చెందిన బోయిడి వీరబాబు అనే వ్యక్తిని అరెస్టు చేసి, అతడి నుండి 50 లీటర్ల నాటు సారా స్వాధీనం చేసుకుని, 400 లీటర్ల బెల్లం ఊట ధ్వంసం చేసినట్లు గోకవరం ఎస్.ఐ. వి.ఎన్.వి. పవన్ కుమార్ తెలిపారు. అనంతరం ఆ వ్యక్తిని రిమాండ్ నిమిత్తం 1వ అదనపు జుడీష్యల్ మెజిస్ట్రేట్, రాజమహేంద్రవరం  ముందు హాజరుపరిచగా 14 రోజులు రిమాండ్ విధించినల్టు ఆయన తెలిపారు. ఈసందర్భంగా ఆయన మాట్లాడుతూ మండలం ఎటువంటి అసాంఘిక కార్యక్రమాలకు తావులేదని, ఎవరైనా అటువంటి కార్యక్రమాలకు పాల్పడితే వారిపై కఠిన చర్యలు చేసుకుంటామని ఎస్సై పవన్ కుమార్ తెలిపారు.

ఐ ఎన్ బి టైమ్స్ కారంపూడి ప్రతినిధి నవంబర్ 22 :పల్నాటి పౌరుషాలకు కోడిపోరు వీర తిలకం దిద్దిన వేళా.. చిట్టిమల్లు, సివండి డేగ లు పోరు సలిపాయి. శనివారం పల్నాడు జిల్లా కారంపూడి లో జరుగుతున్న వీరుల మహోత్సవం నాల్గవ రోజును పురస్కరించుకొని కోడిపోరు ఘట్టంలో ముఖ్య అతిథిలుగా నరసరావుపేట ఎంపీ లావు శ్రీ కృష్ణదేవరాయలు, టీడీపీ పల్నాడు జిల్లా అధ్యక్షులు కొమ్మాలపాటి శ్రీధర్ లు హాజరయ్యారు. ఉత్సవాలకు విచ్చేసిన ముఖ్య అతిథులకు స్థానిక ఎమ్మెల్యే జూలకంటి బ్రహ్మానందరెడ్డి సాదరంగా ఆహ్వానిం పలికారు. టీడీపీ యువ నాయకులు జూలకంటి గౌతమ్ రెడ్డి సారథ్యంలో కూటమి పార్టీ శ్రేణులు గజమాలతో స్వాగతం పలికి.., భారీ ద్విచక్రవాహనాలతో ర్యాలీ చేశారు. జయ జయ ధ్వానాలు, డీజే మోతలు నడుమ పురవీధుల్లో సాగిన ర్యాలీ వీరుల దేవాలయం వరకు సాగింది. అనంతరం ఎమ్మెల్యే జూలకంటి ముఖ్య అతిథులను ఆలయంలోకి తొడ్కొని పోయి కొణతాలను చూపి.., అలనాటి యుద్ద ఘట్టాలను వివరించారు. ఆ తరువాత ఆలయం వెలుపల భాగంలో ఏర్పాటు చేసిన కోడిపోరు ఉత్సవంలో పాల్గొన్నారు. బరిలో మాచర్ల రాజ్యం తరుఫున పల్నాటి బ్రహ్మానాయుడు వేషధారణలో పీఠాధిపతి తరుణ్ చెన్నకేశవ,ఎంపీ లావు, ఎమ్మెల్యే జూలకంటి, కొమ్మాలపాటిలు చిట్టిమల్లు కోడితో పోరుకు సిద్దపడగా.., గురజాల రాజ్యం తరుఫున నాగమ్మ వేషధారిణిగా ఆచారవంతునితో కలిసి సినీ నిర్మాత బండ్ల గణేష్, డాక్టర్ వున్నం మల్లిఖార్జునరావు, యాగంటి మల్లిఖార్జునరావు లు సివంగి డేగతో పోరుకు దిగారు. వీర విద్యావస్తులు వీర గాథలు ఆలపిస్తుండగా.., సాంప్రదాయ కోడిపోరు ఆద్యంతం అలనాటి ప్రాచీన వైభవం స్పృశించింది. ఈ కార్యక్రమంలో కూటమి పార్టీల నాయకులు, కార్యకర్తలు పాల్గొన్నారు.