ఐ ఎన్ బి టైమ్స్ విశాఖ  కె. కోటపాడు, ఏప్రిల్,14:  అంబేడ్కర్‌ 133 వ జయంతిని పురస్కరించుకుని ఉపముఖ్యమంత్రి ముత్యాలనాయుడు ఆయన విగ్రహానికి నివాళులర్పించారు. భారత రాజ్యాంగ నిర్మాత డాక్టర్‌ బాబా సాహెబ్‌ అంబేద్కర్‌ సంస్కరణలకు ఆద్యుడని డిప్యూటీ సీఎం బూడి ముత్యాలనాయుడు  కొనియాడారు. కె.కోటపాడులోని రెల్లి వీధిలో స్థానికుల ఆధ్వర్యంలో అంబేద్కర్‌ జయంతి వేడుకలు ఘనంగా నిర్వహించారు. ఈ సందర్భంగా ఆయన మాట్లాడుతూ అంబేద్కర్‌ బడుగు, బలహీనవర్గాలు, దళితుల సంక్షేమం కోసం పోరాడిన యోధుడని పేర్కొన్నారు. ఆయనలోని నాయకత్వ లక్షణాలను ఆదర్శంగా తీసుకోవాలన్నారు. కేక్ కట్ చేసి చిన్నారులకు తినిపించారు. సిఎం జగన్ మోహన్ రెడ్డి పాలన ద్వారా అంబేత్కర్ ఆశయాలకు నెరవేరుస్తున్నామని తెలిపారు. అతడు ఐదు వేల సంవత్సరాల ఈ జాతి చరిత్ర గతిని తిరగరాసి, నీకోసం నాకోసం ఈ జాతి సమానత్వం కోసం కడశ్వాస దాక అలుపెరగని పోరాటం చేసి, కేవలం చదువే ఆయుధంగా వివక్షపై రాజీలేని పోరాటం చేసిన మేరునగ ధీరుడు లాంటి అంబేత్కరులు తయారు కావాలని, మళ్ళీ దేశంలో జన్మించాలని ఆకాంక్షించారు. ఈ కార్యక్రమంలో మండల ఎంపీపీ రెడ్డి జగన్మోహన్, పలువురు ప్రజాప్రతినిధులు, స్థానిక నాయకులు అంబేద్కర్ వాదులు పాల్గోన్నారు.