కోడిపోరు ఉత్సవానికి విచ్చేసిన అతిథులు -నరసరావుపేట ఎంపీ లావు శ్రీకృష్ణదేవరాయలు

ఐ ఎన్ బి టైమ్స్ కారంపూడి ప్రతినిధి నవంబర్ 22:పల్నాడు జిల్లా మాచర్ల నియోజకవర్గం లోని కారంపూడి పట్టణంలో శనివారం రోజున జరిగిన కోడిపోరు ఉత్సవంలో పాల్గొన్న అనంతరం నరసరావుపేట ఎంపీ లావు శ్రీకృష్ణదేవరాయలు మాట్లాడుతూ...
శతాబ్దాల చరిత్ర పలనాటి చరిత్ర . అలనాటి సమానత్వాన్ని తెలిపేవే వీరుల మహోత్సవంలోని ఘట్టాలు. గతంలో ఉన్న ఘర్షణ వాతావరణం నుంచి ఘనంగా అభివృద్ధి వైపు పల్నాడు పురోగిమిస్తుంది. పర్యావరణ అనుమతులు రాగానే వరికిపూడిశెల పనులు ప్రారంభమవుతాయి.డిప్యూటీ సీఎం పవన్ కళ్యాణ్ చేతుల మీదుగా జల్ జీవన్ మిషన్  పనులకు శంకుస్థాపనతో నిర్మాణానికి అడుగులు పడతాయి. రాష్ట్ర, జాతీయ రోడ్ల అనుసంధానంతోనే అభివృద్ధి పరుగులు పెడుతుంది. పల్నాడు జిల్లా పరిధిలో యువతకు ఉపాధి అవకాశాలు మెరుగుపడేలా పరిశ్రమలను ఆహ్వానిస్తాం. ముఖ్యమంత్రి చంద్రబాబు నాయుడు నేతృత్వంలో  పల్నాడు శరవేగంగా ప్రగతిని సాధిస్తుంది. టిడిపి పల్నాడు జిల్లా అధ్యక్షులు కొమ్మలపాటి మాట్లాడుతూ... పల్నాడు అంటే సమానత్వపు చరిత్ర,ప్రాచీన చరిత్రను తెలిపేవే వీరుల ఉత్సవాలు, ముఖ్యమంత్రి చంద్రబాబు నేతృత్వంలో రాయలసీమలో, ఎమ్మెల్యే జూలకంటి సారధ్యంలో మాచర్ల లో ఫ్యాక్షన్ సమిసిపోతుంది.జగన్ రెడ్డి కనుసన్నల్లో గ్రామాల్లో అలజడులు సృష్టించేందుకే వైసీపీ పనిచేస్తుంది. అభివృద్ధే ధ్యేయంగా కూటమి ప్రభుత్వం పని చేస్తుంది. వైసిపి అసాంఘిక శక్తితో అభివృద్ధి శూన్యం : మాచర్ల ఎమ్మెల్యే జూలకంటి.