ఐ ఎన్ బి టైమ్స్ మాచర్ల ప్రతినిధి సెప్టెంబర్ 15:పల్నాడు జిల్లా, మాచర్ల నియోజకవర్గం, మాచర్ల మండలంలోని అలుగురాజుపల్లి గ్రామంలోని న్యూటన్స్ ఇన్స్టిట్యూట్ ఆఫ్ ఇంజనీరింగ్ కళాశాల మైదానంలో, గత వారం రోజుల నుంచి జరుగుతున్న అండర్-19 జూనియర్ కళాశాలల క్రికెట్ పోటీలు విజయవంతంగా నిర్వహించడం జరిగిందని నూటన్స్ కళాశాల వారు తెలియజేశారు. కర్నూలు, ప్రకాశం, పల్నాడు, మరియు గుంటూరు జిల్లాలలోని, జూనియర్ కళాశాలల కు సంబంధించిన క్రికెట్ జట్లు పాల్గొనడం జరిగిందని తెలిపారు. ఈ పోటీలలో విజయం సాధించిన జట్లకు మాచర్ల నియోజకవర్గం ఎమ్మెల్యే జూలకంటి బ్రహ్మానందరెడ్డి ఆదివారం నిర్వహించిన సభలో క్రీడాకారులను ప్రశంసించి బహుమతులు అందజేశారు. ఈ జూనియర్ స్థాయి క్రికెట్ పోటీలలో మొదటి బహుమతిని 25000/- రూ నగదు, మరియు షీల్డ్ ను కృష్ణవేణి జూనియర్ కళాశాల వినుకొండ వారు గెలుపొందడం జరిగిందని తెలిపారు. రెండవ బహుమతి 20000/- రూ నగదు మరియు షీల్డ్ ను ఆంధ్రప్రదేశ్ వెల్ఫేర్ అసోసియేషన్ జూనియర్ కళాశాల అచ్చంపేట వారు గెలుపొందగా, మూడవ బహుమతి 15000/- రూ నగదు మరియు షీల్డ్ ను ఎమ్మెల్యే జూలకంటి బ్రహ్మానందరెడ్డి చేతుల మీదుగా బహుకరీంచడం జరిగిందని తెలియజేశారు. ఈ కార్యక్రమంలో నూటన్స్ ఇంజనీరింగ్ కళాశాల సెక్రటరీ మరియు కరస్పాండెంట్ జున్నా శ్రీనివాసరెడ్డి, కళాశాల ప్రిన్సిపల్ జీ.జగదీశ్వర్ రెడ్డి, అధ్యాపకేతర సిబ్బంది, మరియు విద్యార్థినీ, విద్యార్థులు పాల్గొన్నారని తెలియజేశారు.
Comment List