SSC సప్లిమెంటరీలో ఉత్తీర్ణులకు సీపెట్ డిప్లొమా కోర్సులలో ప్రవేశానికై అవకాశం

ఐ ఎన్ బి టైమ్స్ విజయవాడ జూన్ 29 :“భారత ప్రభుత్వ విద్యా సంస్థ “సీపెట్ - విజయవాడ” లో ఉద్యోగ కల్పనే లక్ష్యముగా 10వ తరగతి సప్లిమెంటరీలో పాస్ అయిన విద్యార్థులకు 3 సం.ల వ్యవధి గల డిప్లోమా ఇన్ ప్లాస్టిక్స్ టెక్నాలజీ (DPT), డిప్లోమా ఇన్ ప్లాస్టిక్స్ మౌల్డ్ టెక్నాలజీ (DPMT) కోర్సుల్లో ప్రవేశానికి ప్రత్యేక అవకాశం కల్పిస్తున్నట్లు డైరెక్టర్ & హెడ్ డాక్టర్. Ch. శేఖర్ ఒక ప్రకటనలో తెలిపారు. కళాశాల ప్రాంగణంలోనే విద్యార్థినీ విద్యార్థులకు విడివిడిగా హాస్టల్ వసతి, నిబంధనలను అనుసరించి అర్హులైన విద్యార్థులకు ఆంధ్ర ప్రదేశ్ ప్రభుత్వం నుంచి "ఫీజు రీయింబర్స్మెంట్" సదుపాయాలు ఉన్నాయని, పరిమితమైన సీట్లు మాత్రమే కలవని, ఆసక్తి గల విద్యార్థులు జులై 10 వ తేదీ, గురువారం లోపుగా దరఖాస్తు చేసుకోవాలని  డైరెక్టర్ శేఖర్ తెలిపారు. ఈ కోర్సులను పూర్తిచేసిన వారికి ప్లాస్టిక్స్ రంగంలో గల బహుళ జాతి సంస్థ(MNC) & అనుబంధ సంస్థలలో జూ. ఇంజనీర్ (ప్రొడక్షన్), మౌల్డ్ డిజైనర్ & మేకర్, జూ. ఇంజనీర్ (మైంటెనెన్స్) వంటి ఉద్యోగ అవకాశాలు కలవని, ప్రారంభ వేతన స్థాయి నెలకు Rs. 18,000/- నుంచి Rs.22,000/- వరకూ ఉంటుందని, సాధారణ విద్యార్థులు కూడా మెరుగైన విజయాన్ని సాధించవచ్చని, దరఖాస్తు విధానం మరియు ఇతర సహాయతకోసం 7893586494 నెంబర్లో సంప్రదించాలని డైరెక్టర్ శేఖర్ సూచించారు”